Fara beint í efnið
Boddy Viðgerðir Henriks

Ryðvörn

Ryðvörn með Fluid Film — vörn sem þornar aldrei og smýgur inn í falsa og holrúm.

Íslenskur vetur er hart umhverfi fyrir bíl: salt á götunum, slabb upp í holrúm og bíll sem stendur úti allan daginn og er sjaldan gagnþurr. Ryðvörn stöðvar ekki tímann, en hún kaupir mörg ár.

Við ryðverjum með Fluid Film, vörn úr ullarfeiti sem þornar aldrei. Hún er borin á undirvagn, grind og falsa og inn í holrúmin, og smýgur þaðan áfram inn á staði sem ekki sést inn á.

Ryðvörn má fá eina og sér, en besti tíminn er strax eftir boddývinnu. Þegar sils, þröskuldur eða bretti hafa verið opnuð er komist inn í holrúm sem eru venjulega lokuð, og þau eru hrein og þurr. Þá er varið innan frá líka, ekki bara undirvagninn sem sést.

Fluid Film — vörnin sem við notum

Fluid Film er unnið úr ullarfeiti (lanólíni) og er sama efni og notað er á vinnuvélar, landbúnaðartæki og snjóruðnings- og saltdreifitæki — tæki sem standa í salti og bleytu allan veturinn.

Fluid Film
  • Án leysiefna

    Ekkert gufar upp úr efninu, svo vörnin þornar hvorki né harðnar heldur helst virk.

  • Smýgur inn í falsa

    Efnið leitar inn í samskeyti, falsa og holrúm sem erfitt er að komast að, ýtir raka frá járninu og loðir við það.

  • Lokar raka og salt úti

    Filman myndar hindrun sem raki og salt komast ekki í gegnum, og stöðvar ryð við snertingu.

  • Fer vel með bílinn

    Skemmir hvorki lakk, plast né gúmmí.

  • Gerð fyrir veturinn

    Leysist ekki upp í vatni, stenst þvott og ver líka í frosti.

  • Þunnt lag dugar

    Þunnt lag gefur langvarandi vörn. Sé þörf á að fjarlægja hana er það gert með háþrýstiþvotti eða fituhreinsi.

Svona fer ryðvörnin fram

  1. 1

    Skoðun

    Bíllinn fer upp á lyftu og við förum yfir undirvagn, grind, sílsa og holrúm. Þú færð verðbil áður en byrjað er.

  2. 2

    Hreinsun

    Laust ryð og flagnandi yfirborð er fjarlægt niður í heilt járn og flöturinn látinn þorna. Sé ryð komið í gegn er gert við það fyrst, því ryðvörn lokar ekki gati.

  3. 3

    Fluid Film borið á

    Lakk og hlutir sem eiga ekki að fá efnið á sig eru límdir af. Síðan er þunnu lagi komið á undirvagn, grind, falsa og festingar, og inn í holrúm og sílsa þar sem ryð byrjar oft innan frá.

  4. 4

    Yfirferð

    Vörnin slitnar mest þar sem sandur og salt lenda. Gott er að láta líta á hana reglulega og bæta á þar sem hún hefur þynnst.

Hvað felst í þessu

  • Fluid Film: ullarfeiti án leysiefna sem þornar ekki
  • Undirvagn, grind, holrúm, falsar og festingar
  • Laust ryð hreinsað og flötur þurrkaður áður en varið er
  • Eitt og sér eða strax eftir boddývinnu

Bóka tíma765 0473Öll þjónusta

Verk í þessum flokki

Sjá öll verk
Hvít VW bjalla fyrir utan verkstæðið áður en gólfviðgerð hófst

Volkswagen Bjalla

VW bjalla — nýjar gólfplötur soðnar í

Gólfið í bjöllunni var farið beggja vegna. Nýjar gólfplötur voru settar í, soðnar og botninn varinn — bíll sem stóð á gatslitnu gólfi stendur nú á heilu.

Lesa meira
Útskorinn bútur úr innri silsa á Land Cruiser, gegnumétinn af ryði

Toyota Land Cruiser

25 ára Land Cruiser í silsaviðgerð

Ryð hafði étið sig gegnum silsann á tuttugu og fimm ára Land Cruiser, bæði innra byrðið og ytri plötuna. Allt sem var farið var skorið út, nýir bútar soðnir í og neðri kanturinn varinn.

Lesa meira

Spurt og svarað

Hvað er Fluid Film?

Ryðvarnarefni úr ullarfeiti (lanólíni) án leysiefna. Það þornar ekki heldur helst virkt, smýgur inn í falsa og holrúm og myndar hindrun sem raki og salt komast ekki í gegnum. Það skemmir hvorki lakk, plast né gúmmí.

Hvenær er best að ryðvarja?

Strax eftir boddývinnu, því þá er komist inn í holrúm sem eru annars lokuð og bíllinn er hreinn og þurr. Annars er haustið góður tími, áður en salt fer á götur.

Þolir vörnin þvott?

Já. Fluid Film leysist ekki upp í vatni og stenst þvott. Sé þörf á að fjarlægja það er það gert með háþrýstiþvotti eða fituhreinsi.

Hversu oft þarf að endurnýja ryðvörn?

Það fer eftir því hvernig bíllinn er notaður og hvort hann stendur úti. Vörnin slitnar mest undir bílnum þar sem sandur og salt lenda, og því er gott að láta líta á hana reglulega og bæta á þar sem hún hefur þynnst.

Er bíllinn þinn með þetta?

Hringdu og lýstu því sem þú sérð, þá segjum við þér hvað þarf að skoða.

Heimilisfang

Boddy Viðgerðir Henriks
Suðurhraun 2b
210 Garðabær

Plús-kóði: 33HF+CM Garðabær

Fá leiðsögn

Opnunartími

Mán–Fös
09:00–17:00
Lau–Sun
Lokað

Hringdu áður en þú kemur með stærra verk, þá er tekið á móti bílnum á réttum tíma.

Bóka tímaHringja